संक्षिप्त परिचय

पाँचखाल नगरपालिका काभ्रेपलाञ्चोक जिल्लाको पाँचवटा तत्कालिन गाविसहरु समेटी नेपाल सरकार, संघीय मामिला तथा स्थानीय विकास मन्त्रालयको मिति २०७१ वैशाख २५ गतेको मन्त्रीस्तरीय निर्णयवाट पारित भै स्थापना भएको हो । यस नगरपालिकामा समेटिएका साविकका पाँच ओटा गाविसहरु क्रमंश: पाँचखाल, होक्सेवजार, देवभूमि वालुवा, अनैकोट र साठीघर भगवती हुन् । साथै संघीय मामिला तथा स्थानीय विकास मन्त्रालयको मिति २०७४/०६/२९ को मन्त्रि परिषद्को निर्णय अनुसार थप साविकका दुई खरेलथोक र कोशीदेखा गाविस गरी  सात वटा साविकका गाविसहरु मिलि हाल यस पाँचखाल नगरपालिकाको नयाँ भौगोलिक संरचना बनेको छ । यस नगरपालिकाको कुल क्षेत्रफल १०३ वर्ग.कि. रहेको छ भने, कुल जनसंख्या ३७९९७ रहेको छ । यस नगरपालिका १३ वटा वडामा बिभाजन भई काभ्रेपलाञ्चोक जिल्लाको क्षेत्रफलको आधारमा दोस्रो ठुलो नगरपालिकाको रुपमा रहेको छ । पाँचखाल नगरपालिका मा कृषिको प्रचुर सम्भावना रहेको छ । पर्यटकीय क्षेत्रको रुपमा पलाञ्चोक भगवतीको मन्दिर, अनैकोट भ्यू टावर, दुग्धेश्वरी मन्दिर, सुनकोशी बगर आदि परिचित  रहेको हुँदा यहाँ स्थानीय पर्यटन उद्योगको प्रचुर सम्भावनाका रहेको देखिन्छ ।