संक्षिप्त परिचय

पाँचखाल नगरपालिका काभ्रेपलाञ्चोक जिल्लाको पाँचवटा तत्कालिन गाविसहरु समेटी नेपाल सरकार, संघीय मामिला तथा स्थानीय विकास मन्त्रालयको मिति २०७१ वैशाख २५ गतेको मन्त्रीस्तरीय निर्णयवाट पारित भै स्थापना भएको हो । यस नगरपालिकामा समेटिएका गाविसहरु पाँचखाल, होक्सेवजार, देवभूमि वालुवा, अनैकोट र साठीघर भगवती हुन् । यस नगरपालिकामा पाँचखाल उपत्यकाको उर्वर भूमिको साथै तत्कालिन अनैकोट, साठीघर भगवती गाविसहरुका भिरालो जमिनहरु रहेका छन् । यहाँ कृषि उत्पादनकोे साथै स्थानीय पर्यटन उद्योगको प्रचुर सम्भावनाका रहेको छ ।